Karen Helga Maurstig

Eg har fleire arbeid for sal i eit galleri i New York, Kentler International Drawing Space. Galleriet har fokus på arbeid på papir. Eigaren, Florence Neal, traff eg på The First International Mokuhanga Conference i Japan i fjor. Ho vart interessert i trykka mine og ville ha nokre trykk i magasinet, The Kentler Flatfiles. Galleriet får økonomisk støtte frå det offentlege og frå private sponsorar.

Eit viktig arbeid er formidling til barn og galleriet har eit opplegg kor foreldre og barn jobber med eit felles kunstprosjekt. Kvart år er det ei "Benefit" utstilling for å få ekstra sponsorpengar til formidling av kunst og kunstnarar. I år vart eg spurt om å vere med. Det er eit stor evenement med lang førebuingstid. Utstillinga består av 100 kunstverk og vart opna 13. april. Den "store" dagen er 19. mai, den dagen kan alle som har betalt eit fast beløp velje seg eit bilde frå veggen. Kanskje eg "hamnar" hos ein samlar...

Frå opninga 13. april (foto, April Vollmer)

Biletet "Traces in Ice" (foto, April Vollmer)

Kentler på Facebook

Tekstbasert kunstuttrykk i det offentlege rom

Eit prosjekt som har utvikla seg over tid. For eit par år sidan kom dei første tankane om å henge opp plakatar med tekst rundt omkring i Førde sentrum. Det skulle skje 8. mars,  på kvinnedagen. Kvinnedagen som mange trur og syns har gått ut på dato. Med kunstprosjektet KUR var det mogleg å gjennomføre ideen. Vi diskuterte oss fram til tekstar som skulle oppmode til ettertanke. Tekstane vart trykte for hand med bokstavar i tre frå eit gamalt trykkeri som eg fekk tak i for to år sidan. Torsdag 8. mars starta vi klokka 10.30 frå Førdehuset og var innom handelshusa, bussterminalen, kommunehuset og turen vart avslutta i Sentrum Sør. Siste plakaten kom på plass på ein vegg ved Hafstad Vidaregåande skule klokka 18.00.

Vi vonar at tekstane får henge i fred i ei veke. Ver og vind har fritt spel, kanskje nokon vart irritert og ein annan tar kanskje med seg eit trykk.....

Vi fekk eit oppslag på 2 sider i Firda 7. mars. Nrk laga reportasje som vart sendt 8. mars i Vestlandsrevyen

Fleire bilde under "Prosjekt"

8. mars 2012

8. mars prosjekt av KUR

Oppslag i Firda 7. mars

Bilde frå utstillinga i Cullom Gallery på facebook.

CULLOM GALLERY | JAPANESE PRINTS | SEATTLE | BETH CULLOM

Utstillinga "Beyond Japan.." kor eg har med fire arbeid er lagt ut på websida til galleriet. Gå inn på linken og klikk på "Collection" og så klikk "Beyond Japan..."

Pressemelding på Firda.no Kjekt å sjå at pressemeldinga blei lagt ut på nettet.

"Beyond Japan"

Eg har fått med fire arbeid  på utstillinga "Beyond Japan: International takes on Moku Hanga" på Cullom Gallery i Seattle, USA. Utstillinga er frå 27. januar til 24. februar og viser grafiske arbeid som er i den japanske Moku Hanga teknikken eller arbeid som er inspirert av den. Dei utvalde arbeida er laga av internasjonale kunstnarar som har vore del av Artist in Residency opplegget, Nagasawa Art Park.

Dei arbeida eg har fått med er froskeinstallasjonen "Reise i ring", boka "24.01.2010" og to trykk.

Season's greetings exhibition at CfSHE gallery, Tokyo

Bilde frå utstillinga i Tokyo. Mine fire bilde er til høgre, "Traces in ice". Utstillinga ser spennande ut med mange forskjellege uttrykk i moku hanga.

Har eit par små bilde på juleutstilling i Tokyo.

"Kunst utan rom"